Emergency Alert on Covid - 19 - SUNRISE ARTS AND SPORTS CLUB

നാട്ടുകാരുടെ അടിയന്തിര ശ്രദ്ധയിലേക്ക്

ഇനിയും നിസ്സംഗത തുടരരുത്...

അപകടം വീട്ട് പടിക്കൽ എത്തിക്കഴിഞ്ഞു.

ഇന്ന് പട്ടാമ്പി മാർക്കറ്റിലെ തൊഴിലാളിയായ കൊടുമുണ്ട സ്വദേശിക്ക് കോവിഡ്-19 സ്ഥിരീകരിക്കുകയും മാർക്കറ്റ് അടക്കുകയും ചെയ്തിരിക്കുന്നു.

സംസ്ഥാനത്തെ വിവിധ ജില്ലകളിൽ ഉറവിടമറിയാത്ത രോഗികളുടെ എണ്ണം കൂടി വരുന്നത് ഭയപ്പെടുത്തുന്നതാണ്.

നമ്മുടെ നാട്ടിലും ഈ അവസ്ഥ വന്നാൽ ഇന്ന് നാം കാണുന്ന നമ്മുടെ കൂടെയുള്ള പലരും നാളെ നമ്മോട് കൂടെ ചിലപ്പോൾ ഉണ്ടാവണമെന്നില്ല.

സ്വന്തം ഉറ്റവർക്കും ഉടയവർക്കും അവസാനമായി ഒരു നോക്ക് കാണുവാനോ കുഴിമാടത്തിലേക്ക് ഒരു പിടി മണ്ണിടുവാനോ പോലും അവസരം ലഭിക്കില്ല.

ഇനിയും നമ്മൾ ഗൗരവം മനസ്സിലാക്കാതെ ഒരു നിയന്ത്രണങ്ങളുമില്ലാതെ നടന്നാൽ നിങ്ങൾ മാത്രമായിരിക്കില്ല അതിന്റെ ഭവിശ്യത്ത് അനുഭവിക്കേണ്ടി വരിക... നിങ്ങൾക്ക് വേണ്ടപ്പെട്ട മക്കളായിരിക്കാം... മാതാപിതാക്കൾ ആയിരിക്കാം... സഹോദരങ്ങളായിരിക്കാം... മറ്റു ബന്ധുക്കളായിരിക്കാം... ഈ നാട് മൊത്തത്തിൽ ആയിരിക്കാം...

വിദേശത്ത് നിന്നെത്തി ക്വാറന്റെനിൽ ഇരിക്കുന്നവരും നാട്ടിലുള്ള മറ്റുള്ളവരും സർക്കാർ, ആരോഗ്യ പ്രവർത്തകരുടെ എല്ലാ സുരക്ഷാ നിർദ്ദേശങ്ങളും പൂർണ്ണമായി പാലിച്ച് ആരുമായും സമ്പർക്കത്തിൽ ഏർപ്പെടാതിരിക്കുക... നിങ്ങളുടെ കരുതൽ ഈ നാടിന് അത്യാവശ്യമാണ്.

ദൗർഭാഗ്യകരമെന്ന് പറയട്ടെ മറ്റേത് നാട്ടിലേക്കാളും ആളുകൾ കൂട്ടം കൂടിയിരിക്കുന്നത് നമ്മുടെ നാട്ടിലാണ്.

പ്രത്യേഗിച്ച് പറയാനുള്ളത് രാവിലെ മുതൽ പ്രത്യേഗിച്ച് ഒരു പണിയോ കാരണങ്ങളോ ഇല്ലാതെ അങ്ങാടിയിൽ ഒരു സുരക്ഷാ മുൻകരുതലുകളും ഇല്ലാതെ നാട്ടുവർത്തമാനങ്ങൾ പറഞ്ഞിരുന്ന് അപകടം മാടി വിളിക്കുകയാണ്.

നിങ്ങൾക്ക് രോഗം വന്നാൽ ചിലപ്പോൾ നിങ്ങൾ അതിനെ അതിജീവിച്ചേക്കാം... പക്ഷെ നിങ്ങളുടെ വീട്ടിലുള്ള മക്കളോ പേരക്കുട്ടികളോ നിങ്ങൾ കാരണം മരണത്തിന് കീഴടങ്ങിയാലുള്ള അവസ്ഥ നിങ്ങളുടെ ഇത്രയും കാലത്തെ ജീവിതാനുഭവത്തിൽ നിന്നും നിങ്ങൾക്ക് മനസ്സിലാക്കാവുന്നതെയൊള്ളു...

ഇനിയും മരുന്നോ പ്രതിരോധ കുത്തിവെപ്പുകളോ കണ്ടുപിടിച്ചിട്ടില്ലാത്ത ഒരു രോഗത്തോടാണ് കളിക്കുന്നതെന്ന ബോധം ഇനിയും പലർക്കും ഉണ്ടായിട്ടില്ല എന്നത് വളരെ വേദനാജനകമാണ്.

നാട്ടിലെ എല്ലാവിധ കൂട്ടമായുള്ള കളികളും നമ്മുടെ മാങ്കുഴി കുളത്തിൽ കുളിക്കുന്നതും ക്ലബ് ഇടപെട്ട് നിർത്തിച്ചത് നമ്മുടെ നാടിന് വേണ്ടിയാണ് . അത് മനസ്സിലാക്കി എല്ലാവരും ക്ലബിന്റ പ്രവർത്തനങ്ങളിൽ പരിപൂർണ്ണമായി സഹകരിക്കുക.

വീട്ടിലിരുന്ന് പരമാവധി സമ്പർക്കങ്ങൾ ഒഴിവാക്കി എല്ലാവരും പ്രതിരോധ പ്രവർത്തനങ്ങളിൽ സഹകരിക്കുക.

നാടിന്റെ അതിജീവനത്തിനായുള്ള പോരാട്ടമാണ്. നാം തോറ്റ് പോവരുത്

ചങ്ങലയിലെ ഒരു കണ്ണി മതി ചങ്ങലയെ മൊത്തം ദുർബലപ്പെടുത്താൻ... ആ ഒരു കണ്ണി നിങ്ങളാവുക... ഈ നാടിന് വേണ്ടി... നാട്ടുകാർക്ക് വേണ്ടി...